Warning: preg_replace(): The /e modifier is deprecated, use preg_replace_callback instead in ..../includes/class_bbcode.php on line 2958

Warning: preg_replace(): The /e modifier is deprecated, use preg_replace_callback instead in ..../includes/class_bbcode.php on line 2958
القواعد الذهبية للقيادة العصرية

أشهر تطبيقات أندرويد للهواتف الذكية GooglePlay


تطبيق حكم واقوال الحروف العربية اختبار القدرات للطلاب ninja games

+ الرد على الموضوع
النتائج 1 إلى 3 من 3

الموضوع: القواعد الذهبية للقيادة العصرية

  1. #1
    تاريخ التسجيل
    Feb 2010
    الدولة
    مصر
    العمر
    24
    المشاركات
    76
    معدل تقييم المستوى
    0

    افتراضي القواعد الذهبية للقيادة العصرية

    قواعد قيادة السيارات فى مصر!


    بدون مقدمات ال18 قاعدة الجاية هى القواعد المطبقة فى الشوارع المصرية وعلى قائد أى سيارة الإلتزام بها .. هذه القواعد لن تجدها فى أى مكان خارج مصر، ولكنها استمدت شرعيتها عندنا بالفهلوة والشطارة ومنطق "اللى تغلب به العب به" ..تفاصيل القواعد فى السطور القادمة.





    القاعدة الأولى
    لو عربيتك كبيرة أو قديمة، استخدم المبدأ القانوني: اللي خايف على عربيته يوسع.
    ملحوظة: ابعد عن سكة العربيات المخرشمة، بيسوقوا بنظرية ضربوا الأعور على عينه!
    القاعدة الثانيه:
    قاعدة البوز بيز: اللي يدخل ببوز عربيته الأول للتقاطع هو صاحب أولوية المرور، احرص على أن تكون صاحب أول بوز.
    ملحوظة: لا تطبق الـبوز بيز مع أي لوري أو أتوبيس، حرصاً على بوزك لا مؤاخذة.
    القاعدة الثالثة:
    الإشارات تكشف نواياك للأعداء، إياك أن تستخدمها!
    القاعدة الرابعة:
    لا تترك مسافة للأمان بينك وبين السيارة التي أمامك فهذا له عدة مخاطر:
    1. عربية ثانية حتملأ الفراغ في ثواني وبرضوه ما يبقاش فيه مسافة بينك وبين اللي قدامك، كل الي كسبته إنك اتأخرت لورا شوية.
    2. حتدي فرصة للعيال يعملوا غرز قدامك.
    3. كل المشاة حيغمضوا عينيهم ويعدوا من الحته دي.
    4. اللي وراك حيقعد يزمر - لو كان مؤدب - أو تسمع شوية أسامي حيوانات لو كان سواق تاكس - مؤدب -، أو حيخبطك من ورا لو كان سواق ميكروباص.
    الإشارات مش معمولة علشان تنظم المرور، معمولة علشان شكل القاهرة يبقى متحضر بس!
    اعتمد على العساكر ( مع تحملك كامل المسؤلية لو واحد منهم شاورلك تعدي وبلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).
    القاعدة الخامسة
    إذا كنت مش واقف في الصف الأول في الإشارة اعمل حسابك تزمر بشكل متواصل و هستيري أول ما الإشارة تفتح، لأن الناس اللي قدام بيبقوا واقفين في الإشارة من زمان و جايز جداً يكونوا ناموا!




    القاعدة السادسة
    معظم الحوادث تحدث في التقاطعات أول الإشارة ما تحمر، كل ما عديت الإشارة الحمراء أسرع كل ما قلت فرصة إنك تتخبط!
    القاعدة السابعة
    الشارع مكان مقرف، سوق بأسرع ما يمكن حتى تتخلص من هذا الهم بسرعة، الناس اللي ماشيين بالراحة مرضى نفسيين بيستمتعوا بالعذاب، يستاهلوا اللي يجرى لهم.
    القاعدة الثامنة
    من حقوقك الدستورية أن تركن أمام باب المحل الذي تريد أن تشتري منه، إذا سبقك واحد ابن ستين في سبعين و ركن قدام الباب، فمن حقك أن تقفل عليه وتركن صف ثاني أو ثالث، ومش مهم لو الشارع اتقفل، ايه يعني أما الناس تتعطل 10 دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟
    القاعدة التاسعة
    من حقك أيضاً أن تخرج من مكان انتظارك في أي لحظة تشاء، إكسر الدركسيون شمال وإطلع، أي حد ماشي في الشارع لازم يقف لك فوراً، راجع البند السابق.
    القاعدة العاشرة
    إحترس من ثلاث أنواع من السائقين بيسوقوا وكأنهم مش ممكن يموتوا:
    1. Computer Gamesالعيال الروشين اللي بيلعبوا فاكريين إن ممكن يكسبوا زيادة لو ساقوا أسرع.
    2. موتوسيكلات توصيل الطلبات ( Home Delivery ).
    3. سواقين الميكروباص.
    ملحوظة: إوعى تحاول تثبت لحد منهم إن فكرته غلط، فاهمني!
    القاعدة الحادية عشر
    لما تشوف حادثة لازم تهدي و تتفرج - مش مهم تساعد - الحاجات دي دمها أخف من الأخبار المملة بتاعة التليفزيون، وبعدين لما الطريق وراك يقف تحمي المجتمع من حادثة تانية.
    القاعدة الثانية عشر
    الكناسين لازم يحللوا اللقمة اللي بياكلوها، حاول تنفعهم و ترمي أي حاجة من الشباك.




    القاعدة الثالثة عشر
    لما تخلص سيجارة إوعى تحطها في الطفاية، إرميها من الشباك أول ما تشوف واحد بموتوسيكل معدي جنبك (علشان يحرم يعمل غرز).
    القاعدة الرابعة عشر
    من حقك أن تعبر الشارع في أي وقت ومن أي مكان.
    القاعدة الخامسة عشر
    إذا كان هناك سيارة قادمة إعمل نفسك مش واخد بالك وعدي براحتك خالص، ما تخافش، هو هيقف، هو أهبل يدوسك ويؤدي نفسه في داهية؟
    القاعدة السادسة عشر
    إياك أن تنظر نحو السيارات القادمة، أعبر الطريق وظهرك لها حتى لا يشك أحد قائدي السيارات أنك تراه ويحاول يخوفك علشان تقف انت.
    القاعدة السابعة عشر
    حتى لو شفته أوعى تخاف - خصوصاً لو معاك بنت - تبقى راجل ملو هدومك وتخاف من حته عربية؟
    عرض قفاك و سيبه يتفلق.
    القاعدة الثامنة عشر
    الرصيف ليس للمشاه، بل لركن السيارات و فرشات الباعة الجائليين والمحلات... الخ، لذلك يحق للمشاة السير في وسط الشارع، لمزيد من الأمان، راجع القاعدة السابقة

    منقول عن بوابة الشباب

  2. #2
    تاريخ التسجيل
    Feb 2009
    الدولة
    مصر
    العمر
    27
    المشاركات
    5,715
    معدل تقييم المستوى
    10

    افتراضي رد: القواعد الذهبية للقيادة العصرية

    وبعدين لما الطريق وراك يقف تحمي المجتمع من حادثة تانية.
    القاعدة الثانية عشر

    الكناسين لازم يحللوا اللقمة اللي بياكلوها، حاول تنفعهم و ترمي أي حاجة من الشباك.
    هو أهبل يدوسك ويؤدي نفسه في داهية؟
    هههههههههههههههههههههههههههههه موضوع جامد يا احمد علي كده ازمة المرور اتحلت بمنتهي البساطة
    "الأن انهيت فترة تجنيدي واصبحت حراُاُاُ ^_^ وأحلى عودة"


  3. #3
    تاريخ التسجيل
    Aug 2010
    الدولة
    EGY
    العمر
    21
    المشاركات
    1,091
    معدل تقييم المستوى
    10

    افتراضي رد: القواعد الذهبية للقيادة العصرية

    هههههههههه

    تسلم ايدك يا احمد
    عُـــــذرَاً : لِمَنْ لَـا يُعْجِبُنـِي ,,~

    { فَ ـــــــمَهَاْرَة المُجـَامَلَـَةْ }

    لَـَـَمْ أعْدْ ‘‘ أُتْقِنُهَـَا

+ الرد على الموضوع

المواضيع المتشابهه

  1. العدسة الذهبية
    بواسطة سعد في المنتدى عجائب الصور والغرائب
    مشاركات: 4
    آخر مشاركة: 2010-02-24, 05:55 PM
  2. صور تسليم الكرة الذهبية للساحر ليونيل ميسى
    بواسطة كاتالونى و لو قتلونى في المنتدى الأخبار الرياضية
    مشاركات: 6
    آخر مشاركة: 2009-12-09, 06:58 PM
  3. دوس سانتوس أفضل لاعب في الكأس الذهبية
    بواسطة The Leader في المنتدى الأخبار الرياضية
    مشاركات: 0
    آخر مشاركة: 2009-07-28, 08:10 AM
  4. أميركا والمكسيك إلى نهائي الكأس الذهبية
    بواسطة mnoralla في المنتدى الأخبار الرياضية
    مشاركات: 0
    آخر مشاركة: 2009-07-25, 01:29 AM
  5. أميركا والمكسيك إلى نهائي الكأس الذهبية
    بواسطة mnoralla في المنتدى أخبار البطولات العالمية والعربية
    مشاركات: 0
    آخر مشاركة: 2009-07-25, 01:29 AM

المفضلات

ضوابط المشاركة

  • لا تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •